ಮರಿಮಲ್ಲಪ್ಪ ಶಾಲಾ ಪ್ರಾರ್ಥನೆ

ಓಂ ಶ್ರೀ ಗುರುಭ್ಯೋ ನಮಃ
ಹರಿ ಓಂ।।
ಶಂ ನೋ ಮಿತ್ರಃ। ಶಂ ವರುಣಃ।।
ಶಂನೋ ಭವತ್ಪರ್ಯಮಾ।।
ಶಂ ನ ಇಂದ್ರ ಬೃಹಸ್ಪತಿ ।।
ಶಂ ನೋ ವಿಷ್ಣು ರುರು ಕ್ರಮಃ।।
ಓಂ ನಮೋ ಬ್ರಹ್ಮಣೇ।। ನಮಸ್ತೇ ವಾಯು।।
ತ್ವಮೇವ ಪ್ರತ್ಯಕ್ಷಂ ಬ್ರಹ್ಮಾಸಿ।।
ತ್ವಮೇವ ಪ್ರತ್ಯಕ್ಷಂ ಬ್ರಹ್ಮ ವದಿಷ್ಯಾಮಿ॥
ಸತ್ಯಂ ವದಿಷ್ಯಾಮಿ।। ಋತಂ ವದಿಷ್ಯಾಮಿ।।
ತನ್ಮಾವವತು।। ತದ್ವಕ್ತಾರವವತು।।
ಅವತು ಮಾಂ।। ಅವತು ವಕ್ತಾರಮ್
ಓಂ ಶಾಂತಿ: ಶಾಂತಿ: ಶಾಂತಿ: ।।

ಬಾಗಿ ನಿಂತ ಲತೆಗೆ.

ತರುವನರಸಿ ಬಳಲಿತೇನು
ಬಾಗಿನಿಂತ ಲತೆಯು
ಮನವತುಂಬಿ ನಿಂತಿತೇನು
ಮರೆಯಲಾಗದ ವ್ಯಥೆಯು

ಏಕೆ ಚಿಂತೆ ?  ಇರುವುದಂತೆ
ನಮ್ಮ ಪ್ರೇಮ ಕಾವಲು
ಬೇಕು-ಬೇಡ, ಬಿಸಿಲು-ಮೋಡ
ಎಲ್ಲ ಅದರ ಮೀಸಲು

ಪ್ರೇಮಗಂಗೆ ಹರಿಯುವಲ್ಲಿ
ಬರುವುದೆಲ್ಲ ಬೆತ್ತಲು
ಪ್ರೇಮದಿವ್ಯ ಬೆಳಗುವಲ್ಲಿ
ಇರುವುದೇನು ಕತ್ತಲು

ಹೇಮಗಂಗೆ ಬೆರೆಯುವಲ್ಲಿ
ನಗೆಯ ತುಂಬು ರಂಗವಲ್ಲಿ
ನನ್ನ ಮನದ ಭಿತ್ತಿಯಲ್ಲಿ
ಎಂದೆಂದಿಗೂ ಅರಳುತಿರಲಿ.


ಮೊದ್ಮಣಿ

Women - do you need another name ?

Women - do you need another name

You swing light in cradle of stars and moon
Is it OK if we call you women?
Or do you need another name..?

You lactate down green hills to feed the plain.
Is it OK if we call you women?
Or do you need another name..?

You flip forelocks of vines with breeze, while rattling birdsong
Is it OK if we call you women?
Or do you need another name..?

You embrace the kid and its father, kindle lamps, nurse along.
Is it OK if we call you women?
Or do you need another name..?

Translation of "Sthree" by Rashtrakavi Sri G S Shivarudrappa.


ಆಕಾಶದ ನೀಲಿಯಲಿ ಚಂದ್ರ ತಾರೆ ತೊಟ್ಟಿಲಲಿ
ಬೆಳಕನಿಟ್ಟು ತೂಗಿದಾಕೆ. ನಿನಗೆ ಬೇರೆ ಹೆಸರು ಬೇಕೇ?
ಸ್ತ್ರೀ ಎಂದರೆ ಅಷ್ಟೇ ಸಾಕೆ

ಹಸುರನುಟ್ಟ ಬೆಟ್ಟಗಳಲಿ, ಮೊಲೆಹಾಲಿನ ಹೊಳೆಯನಿಳಿಸಿ
ಬಯಲ ಹಸಿರ ನಗಿಸಿದಾಕೆ. ನಿನಗೆ ಬೇರೆ ಹೆಸರು ಬೇಕೆ
ಸ್ತ್ರೀ ಎಂದರೆ ಅಷ್ಟೇ ಸಾಕೆ.

ಮರಗಿಡ ಹೂ ಮುಂಗುರಳನು ತಂಗಾಳಿಯ ಬೆರಳ ಸವರಿ
ಹಕ್ಕಿ ಗಿಲಕಿ ಹಿಡಿಸಿದಾಕೆ. ನಿನಗೆ ಬೇರೆ ಹೆಸರು ಬೇಕೇ?
ಸ್ತ್ರೀ ಎಂದರೆ ಅಷ್ಟೇ ಸಾಕೆ.

ಮನೆಮನೆಯಲಿ ದೀಪವುರಿಸಿ, ಹೊತ್ತುಹೊತ್ತಿಗನ್ನವುಣಿಸಿ
ತಂದೆ ಮಗುವ ತಬ್ಬಿದಾಕೆ. ನಿನಗೆ ಬೇರೆ ಹೆಸರು ಬೇಕೆ?
ಸ್ತ್ರೀ ಎಂದರೆ ಅಷ್ಟೇ ಸಾಕೆ

ಜಿ. ಎಸ್. ಶಿವರುದ್ರಪ್ಪ

ಆಚೆ ಮನೆ ಸುಬ್ಬಮ್ಮನ ಏಕಾದಸಿ ಉಪವಾಸ

ಆಚೇ ಮನೆಯ ಸುಬ್ಬಮ್ಮನಿಗೆ

ಏಕಾದಶಿ ಉಪವಾಸ

ಎಲ್ಲೋ ಸ್ವಲ್ಪ ತಿಂತಾರಂತೆ

ಉಪ್ಪಿಟ್ಟು ಅವಲಕ್ಕಿ ಪಾಯ್ಸ

ಮೂರೋ ನಾಲ್ಕೋ ಬಾಳೆಹಣ್ಣು

ಸ್ವಲ್ಪ ಚಕ್ಕುಲಿ ಕೋಡುಬಳೆ

ಗಂಟೆಗೆರಡು ಸೀಬೆಹಣ್ಣು

ಆಗಾಗ ಒಂದೊಂದು ಕಿತ್ತಳೆ

ಮಧ್ಯಾಹ್ನಕೆಲ್ಲಾ ರವೆ ಉಂಡೆ

ಹುರಳಿಕಾಳಿನ ಉಸಲಿ

ಒಂದೊಂದ್ಸಲ ಬಿಸಿ ಸಂಡಿಗೆ

ಐದೋ ಆರೋ ಇಡ್ಲಿ

ರಾತ್ರಿ ಪಾಪ ಉಪ್ಪಿಟ್ಟೇ ಗತಿ

ಒಂದ್ಲೋಟ ತುಂಬ ಹಾಲು

ಪಕ್ಕದ ಮನೆಯ ರಾಮೇಗೌಡರ

ಸೀಮೆಹಸುವಿನ ಹಾಲು

ಸಿ.ಆರ್. ಸತ್ಯ ಬರೆದಿರುವ ಆಚೆ ಮನೆ ಸುಬ್ಬಮ್ಮನ ಏಕಾದಸಿ ಉಪವಾಸ

 

ಬೆಳಗಿನಲಿ ಹೊಳೆಯುತಿಹ ರವಿಕಿರಣ

ಬೆಳಗಿನಲಿ ಹೊಳೆಯುತಿಹ ರವಿಕಿರಣ

ಎಲ್ಲಾರು ಮಾಡುವುದು ಹೊಟ್ಟೆಗಾಗಿ

ಎಲ್ಲಾರು ಮಾಡುವುದು ಹೊಟ್ಟೆಗಾಗಿ
ಗೇಣು ಬಟ್ಟೆಗಾಗಿ ಗೇಣು ಬಟ್ಟೆಗಾಗಿ

ನೆಲ್ಲುಗಳ ಕುಟ್ಟಿಕೊಂಡು,
ಬಿದಿರುಗಳ ಹೊತ್ತುಕೊಂಡು
ಕೂಲಿಗಳ ಮಾಡುವುದು ಹೊಟ್ಟೆಗಾಗಿ
ನಾಲ್ಕುವೇದ ಪುರಾಣ ಪಂಚಾಂಗ ಹೇಳಿಕೊಂಡು
ಕಾಲ ಕಳೆಯುವುದೆಲ್ಲ ಹೊಟ್ಟೆಗಾಗಿ..

ಬಡಿದು ಬಡಿದು ಕಬ್ಬಿಣವ
ಕಾಸಿ ತುಪಾಕಿ ಮಾಡಿ
ಹೊಡೆವ ಗುಂಡು ಮಾಡುವುದು ಹೊಟ್ಟೆಗಾಗಿ

ಚಂಡಭಟನ್ಗಾಗಿ ನಡೆದು  (ಚಂಡಭಟರೆಲ್ಲ ಮುಂದೆ)
ಕತ್ತಿ ಢಾಲು ಕೈಲಿ ಹಿಡಿದು (ಕತ್ತಿ ಹರಿಗೆಯ ಹಿಡಿದು)
ಖಂಡ ತುಂಡ ಮಾಡುವುದು ಹೊಟ್ಟೆಗಾಗಿ

ಬೆಲ್ಲದಂತೆ ಮಾತನಾಡಿ
ಎಲ್ಲರನ್ನು ಮರಳು ಮಾಡಿ
ಸುಳ್ಳು ಬೊಗಳಿ ತಿಂಬುವುದು ಹೊಟ್ಟೆಗಾಗಿ

ದೊಡ್ಡ ದೊಡ್ಡ ಕುದುರೆ ಏರಿ
ಮೇಜ ಹೊತ್ತು ರಾಹುತರಾಗಿ
ಹೊಡೆದಾಡಿ ಸಾಯುವುದು ಹೊಟ್ಟೆಗಾಗಿ
ಕುಂಟೆ ಕೂರಿಗೆಯಿಂದ
ಹೆಂಟೆ ಮಣ್ಣ ಹದಮಾಡಿ
ರಂಟೆ  ಹೊಡೆದು ಬೆಳೆಸುವುದು ಹೊಟ್ಟೆಗಾಗಿ


ಕೆಟ್ಟತನದಿಂದ
ಕಳ್ಳತನವನ್ನೆ ಮಾಡಿ
ಕತ್ತಿ ಹೊಡೆಸಿಕೊಳ್ಳುವುದು ಹೊಟ್ಟೆಗಾಗಿ
ಸನ್ಯಾಸಿ ಜಂಗಮ ಜೋಗಿ
ಜಟ್ಟಿ ಮೊಂಡ ಭೈರಾಗಿ
ನಾನಾವೇಷ ಕೊಂಬುವುದು ಹೊಟ್ಟೆಗಾಗಿ


ಉನ್ನತ ಕಾಗಿನೆಲೆ ಆದಿಕೇಶವನ
ಅನುದಿನ ನೆನೆವುದು ಭಕ್ತಿಗಾಗಿ// ಪರ ಮುಕ್ತಿಗಾಗಿ

Shell script to assign each column value as a variable

Consider a txt file with two columns and many rows.

You may want to write a script which will take each column values in each row as variables

Then you can use the following script.



#!/bin/bash
cat text.txt | while read line;
do
var1=$(echo $line| awk '{print $1}')
var2=$(echo $line| awk '{print $2}')
done

ಓದು ಕಲಿತ ಊಳಿಗದವನ ಪ್ರಶ್ನೆಗಳು.

ಥೀಬ್ಸ್‍ನ ಏಳುಸುತ್ತಿನ ಕೋಟೆ
ಕಟ್ಟಿದವರಾರು ಗೊತ್ತೆ?
ಹೊತ್ತಿಗೆಗಳಲಿದೆ ರಾಯರ ಹೆಸರು.
ಮೆತ್ತಿದೆಯೇನು ಅವರ ಕೈಗಿಷ್ಟಾದರು ಕೆಸರು.

ಸುಟ್ಟಿತೆಷ್ಟು ಬಾರಿ ಬ್ಯಾಬಿಲೋನ್ ನಗರ,
ಕಟ್ಟಿ ಕೊಟ್ಟವರಾರು ಮರಳಿ, ಬಲ್ಲಿರಾ..?

ಬೆಳಗಿದೆ ಮಿನುಗಿದೆ ಲಿಮಾ
ಫಳಫಳಿಸಿದೆ ಹೊನ್ನಿನ ಕಾಂತಿಯಲಿ!
ಕಟ್ಟಿದ ಕಾರ್ಮಿಕನವನು
ಮಲಗುವ ಮನೆಯಿರುವದದೆಲ್ಲಿ?

ಚೀನಾ ಗೋಡೆಯ ಮುಗಿಸಿದ ಸಂಜೆ
ಏನಾಯಿತು ಆ ಮೇಸ್ತ್ರಿಗೆ ಮುಂದೆ..? 
ಓಹೋ ರೋಮಿನ ಕಮಾನುಗಳೇನು?
ಯಾರೋ ಇದನು ಕಟ್ಟಿದ ಮನುಜನು?

ಸೀಸರ್ ಗೆಲುವದು ಯಾವನ ಮೇಲೋ?
ಗೀತಗಳಲ್ಲಿ ಹಾಡುವುದೇನೋ
ಬೈಜಾಂಟಿಯನ್ನರ ಅರಮನೆಯೇನೋ?
ಮುಳುಗಿದ ಅಟ್ಲಾಂಟಿಸಿನ ಜನರು
ಮುಳುಗುವ ಮೊದಲಿನ ಕೂಗದು ಏನೋ?

ಭಾರತವನ್ನೇ ಗೆದ್ದೆ ಎನ್ನುವ
ಯವನರ ರಾಜನೆ ತಾನೆ ಬೀಗುವ
ಅಲೆಕ್ಸಾಂಡರನೊಬ್ಬನೇ ಏನು?
ಗಾಲರ ಗೆದ್ದ ಸೀಸರನೆಡೆಗೆ
ಅಡಿಗೆ ಭಟ್ಟನ ಜೊತೆಯಿಲ್ಲವೇನು?

ಅಳುತಿರುವಾಗ ಸ್ಪೇನಿನ ಫಿಲಿಪನು
ಅಳದೇ ಉಳಿದನೇ ಊಳಿಗದವನು?
ಏಳು ವರುಷಗಳ ಕಾಳಗ ಗೆದ್ದನು
ಫ್ರೆಡರಿಕನವನು ಒಂಟಿಯೇನು?

ಗೆಲುವಿನ ಕತೆಯಿದೆ ಪುಟಪುಟದಲ್ಲೂ
ಗೆಲುವಿನ ಕುಣಿತಕೆ ಜೊತೆಯದು ಏನು?
ಗೆದ್ದವ ಮೆಲ್ಲುವ ಸವಿಯನು ಸವಿಯಲು
ಮುದ್ದೆಯ ಮಾಡುವ ಆಳಿನದೇನು?

ಎಷ್ಟೋ ಮಾತಿದೆ, ಎಷ್ಟೋ ಕತೆಯಿದೆ
ಕೇಳದೆ ಉಳಿದ ಪ್ರಶ್ನೆಗಳಷ್ಟಿವೆ.
ಬ್ರೆಷ್ಟ್ ನ ಮತ್ತೊಂದು ಕವಿತೆ  Questions From A Worker Who Reads  ಭಾವಾನುವಾದ

ಎಲ್ಲ ಬದಲಾಗಬಹುದು.

ಎಲ್ಲ ಬದಲಾಗಬಹುದು.
ನಿನ್ನ ಕಡೆಯುಸಿರಿಂದ
ಹೊಸ ಬದುಕು ಮೊದಲಾಗಬಹುದು.
ನಡೆದದ್ದು ನಡೆದಾಯ್ತು.
ಮದಿರೆಯೊಡನೆ ಬೆರೆತ ನೀರು
ಮರಳಿ ತರಬಲ್ಲವರಾರು

ನಡೆದದ್ದು ನಡೆದಾಯ್ತು
ಮದಿರೆಯೊಡನೆ ಬೆರೆತ ನೀರು
ಮರಳಿ ತರಬಲ್ಲವರಾರು?
ಎಲ್ಲ ಬದಲಾಗಬಹುದು.
ನಿನ್ನ ಕಡೆಯುಸಿರಿನಿಂದ
ಹೊಸ ಬದುಕು ಮೊದಲಾಗಬಹುದು.

ಬ್ರೆಷ್ಟ್ ಕವಿಯ "ಎವೆರಿಥಿಂಗ್ ಚೇಂಜಸ್" ಕವಿತೆಯ ಭಾವಾನುವಾದ.

ಸಂಯುಕ್ತ ದಳದ ಹಾಡು United Front Song

ನನ್ನ ಮೆಚ್ಚಿನ ಕವಿ ಬರ್ಟೋಲ್ಟ್ ಬ್ರೆಷ್ಟ್ ಬರೆದ "ಸಂಯುಕ್ತ ದಳದ ಹಾಡು"  ಈ ಹಾಡನ್ನು ಅವನು ಬರೆದದ್ದು ಸಂಯುಕ್ತ ದಳದ ಗೀತೆಯಾಗಿ ೧೯೩೪ರಲ್ಲಿ. ಅದನ್ನು ನನ್ನ ಕೈಲಾದಷ್ಟು ಮಟ್ಟಿಗೆ ಕನ್ನಡೀಕರಿಸಿದ್ದೇನೆ. ಹೆಚ್ಚಿನ ಮಾಹಿತಿ ಬೇಕಾದವರು ಇಲ್ಲಿ ಮತ್ತು ಇಲ್ಲಿ ನೋಡಿ.

ಮಾನವ ದೇಹವು
ಮೂಳೆ ಮಾಂಸದ ತಡಿಕೆ
ಕೇಳುವುದನುದಿನ
ಅನ್ನ ನೀರು ಹೊದಿಕೆ

ಅರಗಿಸಲಾಗದ ಮಾತುಗಳೆಲ್ಲಾ
ಹಸಿದಿಹ ಹೊಟ್ಟೆಯ ತುಂಬುವುದಿಲ್ಲ

ಒಂದು ಎರಡು ಮೂರು
ಸೇರಿರಿ ನಿಮ್ಮಯ ಸಾಲು
ಶ್ರಮಿಕರ ದಳದಲಿ ನಿಲ್ಲಿರಿ
ನೀವೇ ಶ್ರಮಿಕರು ಮರೆಯದಿರಿ.

ಮಾನವ ದೇಹವು
ಮೂಳೆ ಮಾಂಸದ ತಡಿಕೆ
ಬೀಳುವವರೆಗೂ ತಡೆಯದೆ
ನಿಲ್ಲಲು ಆಗದು ಅದಕೆ

ಗುಲಾಮರೇನೂ ಬೇಕಿಲ್ಲ
ಆಳುವ ಧಣಿಯನೂ ಸಹಿಸಲ್ಲ.

ಒಂದು ಎರಡು ಮೂರು
ಸೇರಿರಿ ನಿಮ್ಮಯ ಸಾಲು
ಶ್ರಮಿಕರ ದಳದಲಿ ನಿಲ್ಲಿರಿ
ನೀವೇ ಶ್ರಮಿಕರು ಮರೆಯದಿರಿ.

ದುಡಿಯುವ ಜನರು ನಾವೆಲ್ಲ
ದುಡಿಮೆಯೆ ದೇವರು ನಮಗೆಲ್ಲ
ಬಿಡಿಸಲು ನಮ್ಮೀ ಬಂಧನ
ಬೇರೇ ಯಾರೂ ಬೇಕಿಲ್ಲ.
ನಮ್ಮದೆ ಬಲವು ಸಾಕಲ್ಲ..

ಒಂದು ಎರಡು ಮೂರು
ಸೇರಿರಿ ನಿಮ್ಮಯ ಸಾಲು
ಶ್ರಮಿಕರ ದಳದಲಿ ನಿಲ್ಲಿರಿ
ನೀವೇ ಶ್ರಮಿಕರು ಮರೆಯದಿರಿ