ಒಂದು ಸುಂದರ ಸಂಜೆ
ಬಾನು ಕೆಂಪಾಗುತ್ತಿತ್ತು
ಮಲ್ಲಿಗೆ ಕಂಪಡರಿತ್ತು
ಸೋನೆ ಮಳೆ ತಂಪೆರೆದಿತ್ತು
ಕಾಲ ಹೀಗೆ ನಿಂತುಬಿಡಲಿ ಎನಿಸಿತ್ತು
ಆದರೆ ಸೂರ್ಯ ಮುಳುಗಿಯೇ ಹೋದ
ಆಗ.....
ಸುತ್ತ ಕತ್ತಲು
ಬಿಚ್ಚಿದ ಕಣ್ಣೆವೆಯೂ ಮುಚ್ಚಿದ ಹಾಗೆ
ಭೋರ್ಗರೆದು ಇಳೆಗಿಳಿವ
ಬಿರುಮಳೆಧಾರೆ
ಆತಂಕ, ಭಯದಿಂದ ಕಂಪಿಸುವವನೆದೆಗೆ
ತಂಪನೆರೆಯುತಿದೆ ಕಂಪ ಬೀರಿ
ಅಚ್ಚಬಿಳಿಯ ಮಲ್ಲಿಗೆ
ಅರಳು ಮಲ್ಲಿಗೆಯ ಕಣ್ಣಲಿ
ಹೊಸಕನಸು ಮೂಡುತಿಹುದೇನೋ
ಆ ಕನಸು ಕಟ್ಟುವ ಬಣ್ಣದಲಿ
ನನ್ನ ಮನಸು ಮೂಡಿಹುದೇನೋ
ಅರಳು ಮಲ್ಲಿಗೆಯ ಘಮದಲಿ
ಹೊಸ ಬಾಳು ಬೆಳಗುತಿದೆಯೇನೋ
ಆ ಸುಮದ ಸೌಗಂಧದಲೆಯಲಿ
ಹೊಸ ಆಸೆ ಗರಿ ಬಿಚ್ಚಿ ಬೆಳೆಯುತಿದೆಯೇನೋ
ಅರಳು ಮಲ್ಲಿಗೆಯ ಅರೆ ಬಿರಿದ ಎಸಳುಗಳ ನಡುವೆ
ರಾಗರಂಜಿತ ಪರಾಗಭೂಷಿತ ಮಧುವೇ
ಹಾರಿ ಬಂದು ಬಾಯಾರಿ ನಿಂತ ಭ್ರಮರಕೆ
ತೃಷೆಯನಾರಿಪ ಸೂಜಿ ಚುಂಬನದ ಕನವೇ..
ಅಲ್ಲೆಲ್ಲೋ ಬಚ್ಚಿಟ್ಟ ಪುಟ್ಟ ಹೃದಯದಲಿ
ಏನಿದೆಯೋ ಏನೋ ತಿಳಿದವಳು ನೀನೇ
ನಿನ್ನ ಗುಟ್ಟುಗಳ ಹಾಗೇ ಒಟ್ಟಾಗಿ ನೋಡಿ
ಒಗಟಾಗಿ ಕಾಡಿದರೂ, ಸಡಗರವ ಪಡುವೆ.
The Mask Of Evil
On my wall hangs a Japanese carving,
The mask of an evil demon, decorated with gold lacquer.
Sympathetically I observe
The swollen veins of the forehead, indicating
What a strain it is to be evil.